+
----
-ده ملخص سريع للى قالته رانيا النهاردة
اتكلمت عن خروجها و انها مش زعلانة و دافعت عن اختيارات الطلاب و بررت لهم كمان و دافعت عن رحمة لما البعض قال انها ممثلة و كدة و قالت انها بتحبها و انها مش زعلانة منها و متفتكرش ان رحمة بتمثل و ان دى طبيعتها
كمان اتكلمت عن باسل و انهم اصدقاء مقربين و ان الديانة متمنعش انهم يكونو اصدقاء ردا على سؤال عن الموضوع ده و انها هتسافر الاردن الاسبوع بعد الجاى لتسجيل الاغنية
اتكلمت عن خروج مغربى و انها اتصدمت و انه كان يستحق على الاقل الفاينل
كمان طلبت دعم شكرى و قالت انه يستحق كل خير و انه بيعمل حاجات على المسرح محدش فيهم كلهم يقدر عملها
و اتكلمت عن زينة لما اتسألت مين من البنات تتمنى استمرار صداقتها بهم و شكرت فيها كتير و اتمنت انهم يبقوا اصدقاء علطول
اتكلمت عن التمثيل فى الاكاديمية و انكرت ان حد منهم بيمثل و قالت انها ملحظتش تغير فى الباكستاج عن قدام الكاميرات و ان الضغوط احيانا بتأثر عليهم و بتسبب مشاكل و خلافات و الناس بتشوفها كتمثيل لما نفس الاشخاص يرجعو عادى مع بعض
قالت ان التصويت من الطلاب عامة بيحكمو حاجات هم بس اللى يقدرو يفهموها و ان على المسرح عقولهم بتتشل و ان فى النهاية اللى بيصوت لطالب معين دائما هيكون فيه جمهور للطالب التانى هيزعل بس هى مزعلتش من حد و مقدرة كل اختيارتهم
غنت كتير بس الصوت كان بيقطع انما طبعا صوتها مميز
اه كمان اتكلمت عن انها كان جايلها عرض للتمثيل فى مسلسل رمضانى كبير لكن الدور مكنش مناسب و هى فضلت الانتظار و عدم الاستعجال
ايضا اكدت ان عقدها مع بوز ميوزك فقط لانتاج السينجل و غالبا هيكون فى البوم واحد مع ميرهان حسين و ناصر بو لافى و نجوم شباب اخرين و العقد مش عقد احتكار و انها لو جالها عقد جيد و مميز هتقبله و الافضلية لميلودى ميوزك لان علاقتها بهم مميزة و فسخ العقد الاول كان بسبب وجود نجوم اكبر منها فى الشركة لهم اولوية فى انتاج الكليبات و ان العقد اتفسخ بالتراضى
كمان قالت انها يمكن تروح اسكندرية بكرة او بعده علشان تشوف مغربى و كمان تقابل الناس اللى عايزينها تروح اسكندرية من الفانس
اه و قالت ان ميرال كانت تستحق الفرصة و انها ترجع علشان كدة مزعلتش و انها مبسوطة انها قعدت شهر و نص و الناس عرفتها و حبتها
جالها مسجات كتير تعمل ديو مع موغا وهى استغربت ده جدا بس فى نفس الوقت مبسوطه منه جداا بس قالت انها ماتكلمتش مع موغا فى الموضوع ده بس اتكلموا ان اكيد هيشتغلوا مع بعض يديها كلمات والحان وقالت فكره الديو اكيد هتعملها بس بعد ما تنزل ديو باسل و سينجل ليها الاول
واتكلمت على ميرهان
انها كانت بتحبها قوووووووووووى وانها شجعتها ونصحتها كتير اول برايم وهى مشيت على نصيحتها وانها لما خرجت ميمو كلمتها بس ماتقابلوش عشان ميرهان مشغوله جدا فى تصوير المسلسل بس هى فرحانه انها هتكون مع ميرهان فى نفس الالبوم وقالت انها تتمنى انها تقرب منها اكتر وتبقى صحبتها لانها فى الاصل معجبه بميرهان من وقت ستاراك وصوتتلها كتير
واتكلمت برده عن شهيناز
انها اتظلمت وكانت مفروض توصل فينال
وسالوها لو تختار اى موسم ستاراك تكون فيه
اختارت 3 لان كل الطلاب كانت بتحبهم وكان اقل موسم فى خناقات
وانهم كلهم كانوا بيحبو بعض
سالةها لمين تتوقع اللقب
قالت كلنا متوقعين ناصيف او رمضان
وسالوها لو ديو يارب كانت الفرصه لها تختار اللى يغنيها معاها تختار مين
قالت الاساتذه اللى بيختاروا وسمعوا الكل وكان احسن واحد فى نظرهم هو رمضان
فاكيد هختاره طبعا وهى مبسوطه بالتابلو بتاعهم قوى
وفى حجات تانيه لان اللقاء كان ساعتين
بس ده اهم الاحداث
رانيا اتكلمت عن الكل بالخير وما تكلمتش على حد وحش ابدا
بالعكس دافعت عن الكل