وصلت لموقع بانيت رسالة ننشرها حرفيا , وجاء فيها : "كتير بشوف مواضيع تتكلم عن كره لمديرة الاكادمية رولا سعد والقاب كثيرة شفتها بردود
ولكن ليش هالكره ؟
هل تعتقدون ان رولا سعد هي اللي تختار النوميني ؟
هل تعتقدون ان رولا سعد هي اللي تحسم نتايج تصويت الجمهور ؟
هل تعتقدون ان رولا سعد هي اللي تجبر الطلاب على ان يختاروا الطالب اللي بدهم ينقذوه ؟
هل تعتقدون ان رولا سعد لازم تفوز خليجي بكل سنة عشان تصير اكادمية عادلة ؟
هل تعتقدون ان رولا سعد اجبرت طلاب الخليج . موكلهم . على انهم يصيروا كسالا في الحصص ؟
واسئلة كثيرة بنقدر نطرحها ..
بس ما فكرتم يوم ان " رولا سعد " كبر امهاتنا و لازم نحترمها
وهي بترعى كل سنة 19 طالب اشكال و الوان و وتعتبرهم مثل ابنائها و توفر لهم اطيب المأكولات و وسائل الترفيه بمقابل انو " الله يخليكم اجتهدوا "
وهي لبنانية طبعا و كل واحد ينحاز ل ابن بلدو وهي فعلا بتنحاز وشي طبيعي يعني لو كانت المديرة مصرية رح تنحاز قليلا للطلاب المصريين بس تنحاز قليلا
واحنا كتير كتير بنكبرها !
تعتقدون ان عمل برايمات اسبوعيا ب هالمستوى الرفيع امر سهل
رح تردون عليي وتقولون انها بتكسب " بلاوي " من ورا التصويت ...
طيب اوكي كسبت مصاري كتيرة !
انتو عارفين هي كم تكسب !
عارفين اجر الراقصين كم ؟
سعر مستلزمات الطلاب؟
اجر المدرسين كم ؟
اجر طاقم العمل يشتغل 24 ساعة كم ؟
اجر الطعام ؟
اجر الاطباء ؟
اجر الفنانين الضيوف ؟
سعر مستلزمات البرايم ؟
و غيرها وغيرها !
احنا العيلة العربية بتخلف شي 5 ولاد و تقول يااااا المصاريف هالكتنا
طيب لو خلفوا 19 !!!
صحيح انو مشروع ناجح و بيجي من وراه فلوس بس مو " بلاوي "
فلوس كاي مشروع !
وبعدين في بعضكم بيكتبو " كل خير رولا من فلوس الخليج " طيب هي رولا غصبتكم و قالتكم صوتوا ؟
انتو تابعتو و انتو صوتوا !!!
رح تذلوها على المصاري كمان
بصراحة هالست بتتعب كتير و بتسهر ليالي و ليالي تنظيم و تخطيط على البرايمات و الضيوف وغيرها وغيرها
مع انو بفلوسها تقدر تفتح 10000 مشروع اسهل من الاكادمية و بجيب مصاري اكتر ب 100 مرة
وعلى فكرة ما تفكروا انو رولا سعد ما عندها شغل غير الاكادمية
هي عندها 3 شركات شغالين ب دبي و لبنان
وهي مشغولة فيهم كتير عشان هيك ما بتتواجد كتير بالاكادمية !
بس حبيت وضح هالنقاط
لأني بحب رولا كتير
وبحب اشكرها لأنها عم تتعب و تسهر الليالي عشان تبسط المشاهدين و تحقق احلام الطلاب". - الى هنا نص الرسالة التي وصلت لموقع بانيت وصحيفة بانوراما .
ونضيف نحن في موقع بانيت لمعلومات مرسل الرسالة ان رولا سعد استطاعت ان تمنح ستار اكاديمي لقب اقوى برنامج عربي على مدار سنوات , وهي البرنامج الاقوى على الفضائيات العربية حتى يومنا هذا.
الخميس يونيو 10, 2010 11:11 pm
